வியாழன், 9 ஏப்ரல், 2020

1512. சங்கீத சங்கதிகள் - 225

இசை விற்பன்னரை இழந்தோம் !



ஏப்ரல் 8. காருகுறிச்சி அருணாசலத்தின் நினைவு தினம்.
அவர் 1964-இல் மறைந்தபோது 'கல்கி'யில் வந்த அஞ்சலி.


காருகுறிச்சி அருணாசலம்* வாழ்க்கை வரலாறு
*காருகுறிச்சி அருணாசலம்*
குஅழகிரிசாமி எழுதிய  இக்கட்டுரை 10.12.2000 தினமணிக் கதிர் இதழில் வெளியானது.



[ சங்கீதச் சக்கரவர்த்தி திருவாடுதுறை ராஜரத்தினம் பிள்ளையின் மறைவுக்குப் பிறகு காலியாயிருந்த நாகஸ்வர சிம்மாசனத்தில் அமர்ந்து ஆட்சி செய்தவர் அவரது சீடர் அமரர் காருகுறிச்சி அருணாசலம். ராஜரத்தினம் மறைந்த இழப்பைக் காருகுறிச்சிதான் ஈடு செய்தார். சினிமா ரசிகர்களுக்குக் ‘கொஞ்சும் சலங்கை’யில் ‘சிங்காரவேலனே தேவா…’ பாட்டில் அவர் வாசித்த வாசிப்பு மறந்திருக்காது. கர்நாடக சங்கீத ரசிகர்களுக்கோ நாகஸ்வரத்தில் அவர் பிடித்த கொஞ்சலும் குழைவுமான ஒவ்வொரு பிடியும் நினைவில் மதுரமாகத் தேங்கிக் கிடக்கும். அவரது மறைவுக்கு ஒரு வாரம் கழித்து அந்த இசை மேதைக்கு எழுத்தால் அஞ்சலி செலுத்தினார் இலக்கிய மேதை கு. அழகிரிசாமி. காருகுறிச்சியின் நெருங்கிய நண்பர் அவர். அஞ்சலிக் கட்டுரை ‘நவசக்தி’யில் 1964, ஏப்ரல் 14ஆம் தேதி வந்தது. கு அழகிரிசாமியின் கட்டுரைத் தொகுப்பை வெளியிட்ட தேன்மழை பதிப்பகத்தார் அத்தொகுப்பில் இதை மறுபிரசுரம் செய்தனர். இசை ரசிகர்களின் பார்வைக்கு இதை முன்வைக்கிறோம். ]

கடந்த பத்து ஆண்டுகளாகச் சங்கீத உலகில் பெரும் புகழ் பெற்றுத் திகழ்ந்து சென்ற வாரம் அமரராகி விட்ட நாகஸ்வர வித்வான் காருகுறிச்சி அருணாசலத்துக்கு அதற்கும் பத்து வருஷங்களுக்கு முன்பே இந்தப் புகழ் கிட்டியிருக்க வேண்டும். ஆனால் மதுரைக்கு வடக்கே அவருடைய புகழ் பரவுவதற்குப் பத்து வருஷ காலம் பிடித்தது. இது ஆச்சரியப்பட வேண்டிய ஒரு செய்தியாகும்.

சுமார் பத்து ஆண்டுகளுக்கு முன் நான் மலாயாவில் இருந்தபோது ஒரு நாள் ஒரு வாரப் பத்திரிக்கையில் (“ஆனந்த விகடன்” என்று ஞாபகம்) காருகுறிச்சி அருணாசலத்தின் நாகஸ்வர வாசிப்பைப் பற்றி ஈ. கிருஷ்ணய்யர் விமரிசனம் எழுதியிருந்ததைப் பார்த்தேன். விமரிசனத்தில் அருணாசலத்தின் இசைத்திறனை உரிய முறையில் வானளாவப் புகழ்ந்திருந்தார் கிருஷ்ணய்யர். இதைப் பார்த்ததும் நான் அடைந்த மகிழ்ச்சிக்கு எல்லையே இல்லை. ‘நம் அருணாசலத்தின் கச்சேரி சென்னையில் நடக்க ஆரம்பித்துவிட்டது. அதை ஈ.கிருஷ்ணய்யர் போன்ற மேதாவிகள் பாராட்டவும் தொடங்கி விட்டார்கள். இனி தமிழ்நாடெங்கும் அவருடைய புகழ் பரவிவிடும் என்பதில் சந்தேகமில்லை’ என்று எனக்குள்ளேயே சொல்லிக் கொண்டேன்.

அருணாசலத்தை அனேகமாக அவருடைய பதினெட்டாவது வயதிலிருந்து எனக்குத் தெரியும். அவருடைய சொந்த ஊரான காருகுறிச்சி, திருநெல்வேலி ஜில்லா அம்பாசமுத்திரம் தாலுகாவில் இருக்கிறது. காருகுறிச்சிக்கு ரயில்வே ஸ்டேஷன் உண்டு. மிகப் பெரிய கிராமம். அவருடைய உறவினர்கள் எங்கள் கோவில்பட்டிப் பகுதியில் என் சொந்த ஊரான இடைசெவல் கிராமத்திலும் எங்கள் ஊருக்கு மூன்று மைல் தென்கிழக்கே உள்ள குருமலையிலும், கோவில் பட்டி நகரிலும் வசிக்கிறார்கள். அருணாசலத்துக்கு இருபது வயது ஆவதற்கு முன்னே அவருக்கும் இடைசெவல் கிராமத்தைச் சேர்ந்த முத்தையாப் புலவரின் கடைசி மகள் ராமலக்ஷ்மிக்கும் திருமணம் நடைபெற்றது. அப்போது அருணாசலம் திருவாவடுதுறையில் நாகஸ்வரச் சக்ரவர்த்தி ராஜரத்தினம் பிள்ளையிடம் குருகுலவாசம் செய்து கொண்டிருந்தார். காருகுறிச்சியில் திருமணம் முடிந்தபின் தம்பதிகள் எங்கள் ஊருக்கு வந்து ஒரு மாதம் இருந்தார்கள். அருணாசலத்தின் மைத்துனர் ஒருவரும் நானும் ஒரே வகுப்பில் படித்த நண்பர்கள். இதனால் அநேகமாக தினம்தோறும் போய் அருணாசலத்தைப் பார்க்கும் வாய்ப்புக் கிடைத்தது. மாலை நேரங்களில் நாலைந்து பேர் சேர்ந்து ஒன்றாகவே உலாவப் போவோம். அப்போது ஒரு சமயம் ஆறுமுக நாவலருக்கும், ராமலிங்க அடிகளுக்கும் இடையே நடந்த கோர்ட் வழக்கை விவரமாக எங்களுக்கு எடுத்துச் சொன்னார் அருணாசலம்.

அருணாசலம் அப்போது குடுமி வைத்திருந்தார். மிக நீண்ட தலைமுடி. ஆனால் பார்ப்பதற்குச் சிறு பையனைப் போலவே இருப்பார். யாருடனும் மிக மிக அன்போடு பேசுவார். பழகுவார்.

அருணாசலம் புலவர் எனப்படும் குலத்தில் பிறந்தவர். புலவர் ஜாதியாரைப் பண்டாரம் என்றும் சொல்வதுண்டு. சாதாரணமாக இந்த சாதியினரில் ஏழைகளாக உள்ளவர்கள் பூ கட்டி விற்பதையும், காளி கோயில் போன்ற கிராமத் தேவதைகளின் கோவில்களில் பூஜை செய்வதையும் தொழில்களாகக் கொண்டவர்கள். புலவர் என்ற பெயருக்கேற்ப இந்தக் குலத்தில் பிறந்தவர் பலர் தமிழில் புலமை பெற்று விளங்கினார்கள். அநேகர பரம்பரை நாகஸ்வர வித்வான்கள். அருணாசலத்தின் மனைவியுடைய தமக்கையர் இருவரம் குருமலையைச் சேர்ந்த இரு சிறந்த நாகஸ்வர வித்வான்களைத்தான் மணந்திருக்கிறார்கள்; காருகுறிச்சி அருணாசலத்தின் தந்தையும் ஒரு நாகஸ்வர வித்வான்.

கல்யாணமான சில ஆண்டுகளுக்குப் பிறகு அருணாசலம் தன் சொந்த ஊரான காருகுறிச்சியில் ஒரு வீடு கட்டி அதற்கு ‘ராஜரத்தின விலாஸ்’ என்று பெயரிட்டார். கிரகப் பிரவேசத்துக்கு ராஜரத்தினம் பிள்ளை வந்திருந்து கச்சேரி செய்து தமது அருமை மாணவரையும் மாணவரின் மனைவியையும் ஆசிர்வதித்தார்.

திருமணமாகி ஏழெட்டு வருடங்களாகியும் குழந்தைகள் இல்லையே என்ற ஒரு குறை அருணாசலத்துக்கு இருந்தது. இதனால் முதல் மனைவி வீட்டாரின் சம்மதத்தோடும் உதவியோடும் குருமலைக் கந்தசாமிப் புலவரின் மகளை இரண்டாவது மனைவியாகத் திருமணம் செய்து கொண்டு, முதல் மனைவியின் பிறந்தகத்துக்கு வந்து விருந்துண்டார். அப்போது இடைசெவல் கிராமத்தில் ஊரே திரண்டு வந்து அருணாசலம் தம்பதிகளை வரவேற்றது.

எல்லோருடனும் அன்பாகப் பழகுவதும் எந்தக் கூட்டத்திலும் தேர்ந்தவர்களைப் பார்த்த மாத்திரத்தில் அருகில் வந்து உரிமை பாராட்டிப் பேசிக் களிப்பதும் அவர் இயல்பு. எத்தனை வருடமானாலும் நண்பர்களை மறக்கவே மாட்டார். இப்படித் தன்னடக்கம் நிறைந்த வித்வான்கள் தமிழ்நாட்டில் வெகு சிலரே இருக்க முடியும்.

1958 டிசம்பரில் சென்னையில் நடந்த அகில இந்திய எழுத்தாளர் மாநாட்டில் கச்சேரி செய்வதற்காக அருணாசலம் வந்திருந்தார். மஞ்சரி ஆசிரியர் தி.ஜ.ர., எழுத்தாளர்கள் திரு. சிதம்பர சுப்பிரமணியம், திரு சுந்தர ராமசாமி ஆகியவர்களுடன் நான் மண்டபத்தில் உட்கார்ந்து கொண்டிருந்தேன். “அருணாசலத்தைப் பார்த்துப் பத்து வருடங்களுக்கு மேல் ஆகிவிட்டது. இப்போது அவர் புகழ்ச் சிகரத்தில் இருப்பவர். முன் போல நம்முடன் பேசுவாரா?” என்று எனக்கு ஓரளவு சந்தேகமும் இருந்தது. ஆனால் மண்டபத்துக்குள் வந்து கொண்டிருந்த அருணாசலம் என்னைப் பார்த்ததும் ஆவலோடு என் அருகில் வந்து க்ஷேம லாபங்களை விசாரித்தார். தி.ஜ.ர.வுக்கும் சிதம்பர சுப்பிரமணித்துக்கும் அவரை அறிமுகம் செய்து வைத்தேன். உடனே தி.ஜ.ர. “ராஜரத்தினம் பிள்ளைக்குப் பிறகு இன்று நிகரற்ற முறையில் வாசித்து வருகிறீர்கள். உங்கள் குருவின் வாசிப்பைக் கேட்பது போலவே இருக்கிறது,” என்று கூறினார். அதைக் கேட்ட அருணாசலம், “இல்லை இல்லை. என்னைவிடப் பல மடங்கு சிறப்பாக வாசிக்கக்கூடிய நாகஸ்வர வித்வான்கள் பலர் இருக்கிறார்கள்,” என்று திரும்பத் திரும்பக் கூறினார். இந்தத் தன்னடக்கத்தை இன்று நினைத்தாலும் எனக்கு மெய் சிலிர்க்கிறது.

தி.ஜ.ர. அத்துடன் அன்றைய கச்சேரியில் இங்கிலீஷ் நோட் ஒன்றை வாசிக்கும்படிச் சொன்னார். அதன்படி அன்று அருணாசலம் வாசித்த ‘இங்கிலீஷ் நோட்’ ஈடு இணையற்றது. அவருடைய குருநாதர்கூட இவ்வளவு விஸ்தாரமாக நோட் வாசித்து நான் கேட்டதில்லை.

அருணாசலம் நாகஸ்வரம் வாசிப்பது போலவே வாய்ப்பாட்டும் அற்புதமாகப் பாடுவார். பாடும்போது ஒவ்வொரு சந்தர்ப்பத்திலும் பாட்டையோ, ராகத்தையோ நிறுத்தி, “இந்த இடத்தில் எங்கள் வாத்தியார் அற்புதமாக வாசிப்பார். அவர் வாசித்துக் கேட்க வேண்டும்” என்று பரவசத்தோடும், பக்தியோடும் சொல்வார். ஒரு ராகத்தைப் பாடி முடிக்கும் முன் ஐந்தாறு தடவைகள் இவ்வாறு கூறிக் குருவின் மேதாவிலாசத்துக்குப் புகழ்மாலை சூட்டி வணங்குவார். குருவே அருணாசலத்துக்கு உயிரும், தெய்வமும் என்று சொல்லி விடலாம். அதேபோல் இந்தக் சிஷ்யரிடத்தில் குருவும் அளவு கடந்த பாசம் வைத்திருந்தார். திருநெல்வேலி ஜில்லாவில் ராஜரத்தினம் பிள்ளை கச்சேரி செய்ய எந்த ஊருக்கு வந்தாலும் அருணாசலமும் அங்கே வந்து விடுவார். குருவும் அவரோடு ஜோடியாக வாசிக்கும் வேறு சிஷ்யரும் இசையமுதத்தை வழங்கிக் கொண்டிருக்கும்போது அருணாசலம் மேடையின் பின்பக்கமாக அமர்ந்திருப்பார். கச்சேரி முடிவதற்குமுன் இரண்டு காரியங்கள் நடக்கும். இதை ஒவ்வொரு கச்சேரியின் போதும் தவறாமல் பார்க்கலாம். ஒன்று, அருணாசலத்தை ராஜரத்தினம் பிள்ளை முன்னால் வரச் சொல்லித் தம் கைவிரல்களைப் பிடித்துவிடச் சொல்வார். அதன்பின் ஓர் அரைமணி நேரத்துக்கு அருணாசலத்தைத் தம்மோடு சேர்ந்து வாசிக்கும்படி கூறுவார். ராஜரத்தினம் பிள்ளையோடு கச்சேரி செய்ய அருணாசலத்தை ஏற்பாடு செய்யாமல் இருந்தாலும் கச்சேரி முடிவில் இருவரும் சேர்ந்து வாசிக்கும் நிகழ்ச்சி தவறாமல் நடைபெறும்.

ராஜரத்தினம் பிள்ளை மலாயாவுக்கு வந்திருந்தபோது, “உங்களிடத்தில் அருணாசலத்துக்குள்ள பக்திக்கு எல்லையே கிடையாது” என்றேன். அவர் மகிழ்ச்சியோடு சிரித்துக் கொண்டு, “அதனால்தான் அவன் நல்லா வாசிக்கிறான்” என்றார். சிஷ்யரை எண்ணி அவர் அடைந்த பூரிப்பையும் ஆனந்தத்தையும் அளவிட்டுக் கூற முடியாது.

“அருணாசலத்தின் வாய்ப்பாட்டும் அபாரமாக இருக்கிறது” என்று நான் சொன்னபோது, “அவன் பாடுகிறானா…! எனக்குத் தெரியாதே!” என்று ஆச்சரியத்தோடு சொன்னார் ராஜரத்தினம் பிள்ளை. அவர் சொன்னது எனக்கும் ஆச்சரியத்தை உண்டு பண்ணியது. அருணாசலம் இவ்வளவு அபாரமாகப் பாடும் விஷயம் குருவுக்குத் தெரியாமல் இருக்கிறதே என்பதுதான் என் ஆச்சரியத்துக்குக் காரணம்.

குருமலையில் 1946ல் அருணாசலத்தின் ஷட்டகரான நாகஸ்வர வித்வான் பொன்னுசாமிப் புலவரின் தம்பிக்குத் திருமணம் நடைபெற்றபோது அருணாசலம் வந்திருந்தார். அப்போது கல்யாண வீட்டில் நண்பர்களாகிய நாங்கள் அருணாசலத்தைப் பாடும்படிக் கூறினோம். நடபைரவி ராகத்தைச் சுமார் ஒன்றரை மணி நேரம் பாடினார். பாடிய பிறகு, “வாய்ப்பாட்டுக் கச்சேரி செய்யவும் எனக்கு ஆசைதான். நாகஸ்வர வாசிப்பில் மட்டுமே கவனம் செலுத்தாமல் வாய்ப்பாட்டுக் கச்சேரியும் செய்தால் எங்கள் வாத்தியார் கோபிப்பார்,” என்று சொன்னார் அருணாசலம். இதனால்தான் அருணாசலம் வாய்ப்பாட்டு கச்சேரி செய்யவே இல்லை. தான் பாடுவதைக்கூட குருநாதர் அறியாமல் மறைத்துக் கொண்டார்.

அருணாசலத்துக்கு மிக இனிய குரல். உதவும்படியான அற்புத சாரீரம். நாகஸ்வாரத்தில் போடும் எந்தச் சங்கதியும் அவர் வாய்ப்பாட்டில் பேசும்.இவ்வளவு சாரீர வளத்துடன் சிரமசாத்தியமான பிடிகளையும் அனாயாசமாகப் பிடித்துக் கற்பனைப் பெருக்குடன் வாய்ப்பாட்டுச் சங்கீதத்தில் ராகாலாபனம் செய்யக்கூடியவர்கள் எனக்குத் தேர்ந்த வரையில் ராஜரத்தினம் பிள்ளை, விளாத்திகுளம் நல்லப்பசாமி பாண்டியன், எம் எஸ் சுப்புலக்ஷ்மி போன்ற சிலரே.

கோவில்பட்டி பக்கங்களில் ராஜரத்தினம் பிள்ளையின் கச்சேரி எங்காவது ஏற்பாடாயிருந்தால் அருணாசலம் மறந்துவிடாமல் இடைசெவலில் உள்ள எங்கள் நண்பர் குழாத்துக்குக் கடிதம் அனுப்பி, கச்சேரிக்கு வந்து விடும்படி அறிவிப்பார். எங்கள் ஊர் மார்க்கமாக அருணாசலம் எந்த ஊருக்குக் கச்சேரி செய்யப் போனாலும் எங்களை வந்து பார்த்து, “ஒரு மணி நேரம் இங்கே தங்க அவகாசம் இருக்கிறது. என்ன ராகம் பாட வேண்டும்?” என்று கேட்பார்.

“இங்கே வந்தால்தான் அபூர்வ ராகங்களைப் பாடச் சந்தர்ப்பம் கிடைக்கிறது. கச்சேரி செய்யப்போனால் சினிமாப் பாட்டுக்களையும் மகுடியையும்தான் ஊதும்படிச் சொல்கிறார்கள்,” என்பார். நாங்கள் கனகாங்கி, ரத்னாங்கி, வகுளாபரணம், நாமநாராயணி போன்ற ராகங்களைப் பாடச் சொல்லிக் கேட்போம். ஆர்வத்தோடு பாடி எங்களை ஆனந்தக் கடலில் ஆழ்த்திவிட்டுத் தம் காரில் அருணாசலம் புறப்படுவார்.

இப்படிச் சுமார் பதினைந்து வருஷங்களுக்குமுன் அருணாசலத்தோடு நெருங்கிப் பழகும் நாட்கள் எத்தனையோ நினைவுக்கு வருகின்றன. அவருடைய அருங்குணங்களை நினைக்கும்போது அவரது மறைவு சொல்லொணாத் துயரத்தை அளிக்கிறது. அவரது அகால மரணத்தால் சங்கீத உலகம் ஒரு மேதையை இழந்து விட்டது. கோவில்பட்டி வட்டாரத்தில் அவரோடு சிறு வயதில் பழகிய என்னைப் போன்றவர்கள் கிடைத்தற்கரிய அருங்குணச் செல்வனான ஒரு பால்ய நண்பனையும் இழந்து விட்டார்கள்.

எங்கள் செல்வம், இந்தியாவின் பொக்கிஷம், அருணாசலத்தின் ஆன்மா சாந்தி அடைய இறைவனை வேண்டுகிறேன்

[ நன்றி: http://iasikalai.blogspot.com/2017/11/blog-post_74.html  ]

பி.கு

அழகிரிசாமி குறிப்பிடும்  ஈ.கிருஷ்ணையரின் கட்டுரை கல்கி யில் 1954-இல் வந்ததாய் நினைவு. பின்பு  வெளியிடுவேன்.


[  If you have trouble reading from an image, right click on each such image and choose 'open image in a new tab' , Then in the new tab , and, if necessary, by using browser's  zoom facility to increase the image size also,  can read with comfort. One can also download each image to one's computer and then read with comfort using browser's zoom facility ]


தொடர்புள்ள பதிவுகள்:

சங்கீத சங்கதிகள்

காருக்குறிச்சி அருணாசலம்: விக்கிப்பீடியா

புதன், 8 ஏப்ரல், 2020

1511. கே.சுப்ரமணியம் -2

தோல்விகள் தொடாத மனிதர் 


ஏப்ரல் 7. டைரக்டர் கே.சுப்ரமணியத்தின் நினைவு நாள்.


அவருடைய நூற்றாண்டு கொண்டாடப்பட்ட சமயம் (2004), கல்கியில் வந்த கட்டுரை.





'பக்த மேதா' : வெளியிடப் படாத ஒரு திரைப்படம்!





[  If you have trouble reading from an image, double click and read comfortably. Or right click on each such image and choose 'open image in a new tab' , Then in the new tab , and, if necessary, by using browser's  zoom facility to increase the image size also,  can read with comfort. One can also download each image to one's computer and then read with comfort using browser's zoom facility ]


தொடர்புள்ள பதிவுகள்:

கே.சுப்ரமணியம்

ஞாயிறு, 5 ஏப்ரல், 2020

1510. பாடலும் படமும் - 91

சத்திரபதி சிவாஜி

[ ஓவியம்: சந்திரா ]


ஏப்ரல் 3. பேரரசர் சிவாஜியின் நினைவு தினம்.

[  If you have trouble reading from an image, double click and read comfortably. Or right click on each such image and choose 'open image in a new tab' , Then in the new tab , and, if necessary, by using browser's  zoom facility to increase the image size also,  can read with comfort. One can also download each image to one's computer and then read with comfort using browser's zoom facility ]

[ நன்றி: கல்கி ]

தொடர்புள்ள பதிவுகள்:

பாடலும், படமும்

சனி, 4 ஏப்ரல், 2020

1509. சங்கீத சங்கதிகள் - 224

'கேவியென்'ஸார் 


ஏப்ரல் 1.  'சங்கீத கலாநிதி' பாலக்காடு கே.வி.நாராயணஸ்வாமியின் நினைவு தினம்.


'ஸரிகமபதநி' இதழின் கே.வி.என் நினைவு மலரில் ( ஜூன் 2002) நான் எழுதிய மூன்று இரங்கற் பாக்கள்.



 [  If you have trouble reading from an image, right click on each such image and choose 'open image in a new tab' , Then in the new tab , and, if necessary, by using browser's  zoom facility to increase the image size also,  can read with comfort. One can also download each image to one's computer and then read with comfort using browser's zoom facility ]


தொடர்புள்ள பதிவுகள்:

சங்கீத சங்கதிகள்

கே. வி. நாராயணசுவாமி: விக்கிப்பீடியாக் கட்டுரை

வெள்ளி, 3 ஏப்ரல், 2020

1508. ஓவிய உலா - 12

அணிலுக்கு அருளிய அருங்குணச் செல்வன் 




அணில்களைப் பற்றித் தொண்டரடிப்பொடியாழ்வாரின் பாசுரம்;

குரங்குகள் மலையை நூக்கக் குளித்துத் தாம் புரண்டிட்டு ஓடித்
தரங்க நீர் அடைக்கல் உற்ற சலம் இலா அணிலும் போலேன்;
மரங்கள் போல் வலிய நெஞ்சு வஞ்சனேன், நெஞ்சு தன்னால்
அரங்கனார்க்கு ஆட் செய்யாதே அளியத்தேன் அயர்க்கின்றேனே.

உரை : 

பாசுர உரை, விளக்கம்
         
( வால்மீகியில் இந்தக் கதை இல்லை.) 

[ நன்றி; கல்கி ]

[  If you have trouble reading from an image, double click and read comfortably. Or right click on each such image and choose 'open image in a new tab' , Then in the new tab , and, if necessary, by using browser's  zoom facility to increase the image size also,  can read with comfort. One can also download each image to one's computer and then read with comfort using browser's zoom facility ]

தொடர்புள்ள பதிவுகள்:

ஓவிய உலா

வியாழன், 2 ஏப்ரல், 2020

1507. தொ.மு.பாஸ்கரத் தொண்டைமான் - 3

கலையுலக பாஸ்கரன் அஸ்தமித்தது! 




மார்ச் 31. தொ,மு,பாஸ்கரத் தொண்டைமானின்  நினைவு தினம். அவர் 1965-இல் மறைந்தபின்  'கல்கி'யில் வந்த அஞ்சலி.


64-இல் அவருக்கு மணிவிழா நடந்தது. அப்போது மீ.ப.சோமு 'கல்கி'யில் எழுதிய கட்டுரை.





[  If you have trouble reading from an image, right click on each such image and choose 'open image in a new tab' , Then in the new tab , and, if necessary, by using browser's  zoom facility to increase the image size also,  can read with comfort. One can also download each image to one's computer and then read with comfort using browser's zoom facility ]

தொடர்புள்ள பதிவுகள்:
தொ.மு.பாஸ்கரத் தொண்டைமான்

புதன், 1 ஏப்ரல், 2020

1506. பரலி சு.நெல்லையப்பர் - 4

பழம் பெரும் தேச பக்தர் 


மார்ச் 28. பரலி சு.நெல்லையப்பரின் நினைவு தினம். அவர் 1971-இல் மறைந்தபின் கல்கியில் வந்த அஞ்சலிக் குறிப்பு.




பாரதியார் நெல்லையப்பருக்கு எழுதிய  ஒரு கடிதம்:


"எனதருமைத் தம்பியாகிய ஸ்ரீ நெல்லையப்பப் பிள்ளையைப் பராசக்தி நன்கு காத்திடுக!

தம்பி - மாதத்துக்கு மாதம், நாளுக்கு நாள் நினதறிவு மலர்ச்சி பெற்று வருவதைக் காண்கின்றேன். நினது உள்ளக் கமலத்திலே பேரறிவாகிய உள்ஞாயிற்றின் கதிர்கள் விரைவிலேயே தாக்கி, நினக்கு நல்லின்பம் உண்டாகுமென்றே கருதுகிறேன்.

நெஞ்சம் இளகி விரிவெய்த விரிவெய்த அறிவிலே சுடர் ஏறுகிறது. நம்மிலும் மெலியாருக்கு நாம் இரங்கி அவர்களை நமக்கு நிகராகச் செய்துவிட வேண்டுமென்று பாடுபடுதலே நாம் வலிமை பெறுவதற்கு வழியாகும்; வேறுவழியில்லை.

ஹா! உனக்கு ஹிந்தி, மராத்தி முதலிய வடநாட்டு பாஷைகள் தெரிந்திருந்து, அந்த பாஷையில் பத்திரிக்கைகள் என்ன அற்புதமான புதுமை பெற்றுள்ளன என்பதை நேரிடத் தெரிந்து கொள்ள முடியுமானால் - தமிழ்நாட்டிற்கு எத்தனை நம்மை யுண்டாகும்!

தமிழ், தமிழ், தமிழ் - என்று எப்போதும் தமிழை வளர்ப்பதே கடமையாகக் கொள்க! ஆனால் புதிய செய்தி, புதிய புதிய யோசனை, புதிய புதிய உண்மை, புதிய புதிய இன்பம் - தமிழில் ஏறிக்கொண்டே போக வேண்டும்.

தம்பி - நான் ஏது செய்வேனடா! தமிழைவிட மற்றொரு பாஷை சுகமாக இருப்பதைப் பார்க்கும்போது எனக்கு வருத்தமுண்டாகிறது. தமிழனைவிட மற்றொரு ஜாதியான் அறிவிலும் வலிமையிலும் உயர்ந்திருப்பது எனக்கு ஸம்மதமில்லை! தமிழச்சியைக் காட்டிலும் மற்றொரு ஜாதிக்காரி அழகாயிருப்பதைக் கண்டால் என் மனம் புண்படுகிறது!

தம்பி - உள்ளமே உலகம்! ஏறு! ஏறு! ஏறு! மேலே, மேலே மேலே! நிற்கும் நிலையிலிருந்து கீழே விழாதபடி கயிறுகள் கட்டி வைத்துக்கொண்டு பிழைக்க முயற்சி பண்ணும்! பழங்காலத்து மூடர்களைக் கண்டு குடல் குலுங்கச் சிரி!

உனக்குச் சிறகுகள் தோன்றுக! பறந்து போ! பற! பற! மேலே, மேலே, மேலே!

தம்பி - தமிழ்நாடு வாழ்க என்றெழுது! தமிழ்நாட்டில் நோய்கள் தீர்க என்றெழுது! தமிழ்நாட்டில் வீதிதோறும் தமிழ்ப் பள்ளிக்கூடங்கள் மலிக என்றெழுது! அந்தப் பள்ளிக் கூடங்களிலே நவீன கலைகளெல்லாம் பயிற்சி பெற்று வளர்க என்றெழுது!

தமிழ்நாட்டிலே ஒரே ஜாதிதான் உண்டு; அதன் பெயர் தமிழ் ஜாதி. அது ஆர்யஜாதி என்ற குடும்பத்திலே தலைக்குழந்தை என்றெழுது! ஆணும்-பெண்ணும் ஓருயிரின் இரண்டு கலைகள் என்றெழுது! அவை ஒன்றிலொன்று தாழ்வில்லை என்றெழுது! பெண்ணைத் தாழ்மை செய்தோன் கண்ணைக் குத்திக்கொண்டான் என்றெழுது! பெண்ணை அடைத்தவன் கண்ணை அடைத்தான் என்றெழுது!

தொழில்கள், தொழில்கள், தொழில்கள் என்று கூவு! வியாபாரம் வளர்க; யந்திரங்கள் பெருகுக; முயற்சிகள் ஓங்குக; ஸங்கீதம், சிற்பம், யந்திரநூல், பூமிநூல், வானநூல், இயற்கை நூலின் ஆயிரம் கிளைகள், இவை தமிழ் நாட்டிலே மலிந்திடுக என்று முழங்கு! சக்தி, சக்தி, சக்தி என்று பாடு!

தம்பி - நீ வாழ்க! உனது கடிதம் கிடைத்தது. குழந்தைக்கு உடம்பு செம்மையில்லாமல் இருந்தபடியால் உடனே ஜவாப் எழுத முடியவில்லை; குழந்தை புதிய உயிர் கொண்டது! இன்று உன் விலாசத்துக்கு "நாட்டுப்பாட்டுகள்' அனுப்புகிறேன். அவற்றைப் பகுதி பகுதியாக உனது பத்திரிகையிலும் ஞானபானுவிலும் பிரசுரம் செய்வித்திடுக! "புதுமைப்பெண்' என்றொரு பாட்டு அனுப்புகிறேன்' அதைத் தவறாமல் உடனே அச்சிட்டு, அதன் கருத்தை விளக்கி எழுதுக! எங்கேனும், எப்படியேனும் பணம் கண்டு பிடித்து ஒரு நண்பன் பெயரால் நமக்கனுப்புக!

தம்பி - உனக்கேனடா இது கடமை என்று தோன்றவில்லையா? நீ வாழ்க!
====


தொடர்புள்ள பதிவுகள்:
பரலி சு.நெல்லையப்பர்

செவ்வாய், 31 மார்ச், 2020

1505. சங்கீத சங்கதிகள் - 223

உதிர்ந்த நட்சத்திரம்
திருப்பூர் கிருஷ்ணன்


மார்ச் 29. 'சுப்புடு' ( பி.வி.சுப்ரமணியம்) வின் நினைவு தினம். அவர் மறைந்தபின் அமுதசுரபியில் வந்த அஞ்சலி.


[  If you have trouble reading from an image, right click on each such image and choose 'open image in a new tab' , Then in the new tab , and, if necessary, by using browser's  zoom facility to increase the image size also,  can read with comfort. One can also download each image to one's computer and then read with comfort using browser's zoom facility ]


திங்கள், 30 மார்ச், 2020

1504. பதிவுகளின் தொகுப்பு : 1301 - 1400


பதிவுகளின் தொகுப்பு : 1301 - 1400


1301. பாடலும் படமும் - 65
வராக அவதாரம்

1302. கோமதி ஸ்வாமிநாதன் -1
போலி விமர்சனம்
கோமதி ஸ்வாமிநாதன்

1303. சத்தியமூர்த்தி - 7
பிரசங்கம் (2), பிரசங்கம் (3)
எஸ்.சத்தியமூர்த்தி

1304. ஏ.கே.செட்டியார் - 6
உலகில் அழகிய பாரிஸ்
ஏ.கே.செட்டியார்

1305. கல்கி - 15
நகைச்சுவைத் திலகம்;’ கல்கி ரா.கிருஷ்ணமூர்த்தி
பேராசிரியர் இரா.மோகன்

1306. பாடலும் படமும் - 66
நரசிம்மாவதாரம்

1307. ராஜு -2
கதம்பம் -2

1308. சங்கீத சங்கதிகள் - 192
ரேடியோ எப்படி? - 2

1309. கவிஞர் சுரபி - 5
குடிசையில் குபேர போகம்
சுரபி

1310. வி.எஸ்.சீனிவாச சாஸ்திரி - 15
என் வாழ்க்கையின் அம்சங்கள் -11
வி.எஸ்.சீனிவாச சாஸ்திரி

1311. பாடலும் படமும் - 67
வாமன அவதாரம்

1312. வ.ரா. - 6
குப்பண்ணா
வ.ரா.

1313. சுகி சுப்பிரமணியன் - 2
போர்டிங் லாட்ஜிங்
சுகி


1314. பாடலும் படமும் - 68
பரசுராம அவதாரம்

1315. திருலோக சீதாராம் - 2
மொழிபெயர்ப்புக் கலை
திருலோக சீதாராம்

1316. சரோஜா ராமமூர்த்தி - 2
குடும்பக் காட்சி
சரோஜா ராமமூர்த்தி

1317. பாடலும் படமும் - 69
திக்குத் தெரியாத காட்டில்
பாரதி

1318. சுத்தானந்த பாரதி - 12
கர்மவீரன் கரிபால்டி
சுத்தானந்த பாரதி

1319. பாடலும் படமும் - 70
இராமாவதாரம்

1320. சங்கு சுப்பிரமணியம் - 2
கோர்ட்டுக் குளவிகள்
சங்கு சுப்பிரமணியம்

1321. ய.மகாலிங்க சாஸ்திரி - 1
 இது ஒப்பந்தக் கல்யாணமல்ல
ய.மகாலிங்க சாஸ்திரி

1322. தேவன்: துப்பறியும் சாம்பு - 12
மைசூர் யானை
தேவன்+கோபுலு
1323. பாடலும் படமும் - 71
பலராம அவதாரம்

1324. வி.ஆர்.எம்.செட்டியார் - 3
சொற்சிகரம்
வி.ஆர்.எம்.செட்டியார்

1325. பாடலும் படமும் - 72
கிருஷ்ண அவதாரம்

1326. நா.சீ.வரதராஜன் - 1
சூறைக் காற்று
நா.சீ.வரதராஜன்

1327. சத்தியமூர்த்தி - 8
மரியாதையான பழக்கம், கடவுள், மதம்
எஸ்.சத்தியமூர்த்தி

1328. பாடலும் படமும் - 73
கல்கி அவதாரம்

1329. கு.அழகிரிசாமி - 5
பித்தளை வளையல்
கு.அழகிரிசாமி

1330. சங்கீத சங்கதிகள் - 193
தியாகராஜர் கீர்த்தனைகள் - 14
ஸி.ஆர். ஸ்ரீனிவாசய்யங்கார் ஸ்வரப்படுத்தியது.

1331. சங்கீத சங்கதிகள் - 194
பட்டணம் சுப்பிரமணிய ஐயர்
சூலமங்கலம் வைத்தியநாத பாகவதர்

1332. வி.எஸ்.சீனிவாச சாஸ்திரி - 16
என் வாழ்க்கையின் அம்சங்கள் -12
வி.எஸ்.சீனிவாச சாஸ்திரி

1333. தனிநாயகம் அடிகள் - 2
தாய்லாந்து
தனிநாயகம் அடிகள்

1334. கி.வா.ஜகந்நாதன் - 29
இலக்கியக் கட்டுரை
கி.வா.ஜகந்நாதன்

1335. சங்கீத சங்கதிகள் - 195
ஸ்ரீ சியாமா சாஸ்திரிகளின் கிருதிகள் - 5
அரியக்குடி ராமானுஜய்யங்கார் ஸ்வரப்படுத்தியது

1336.உ.வே.சா. - 9
உயிர் மீட்சி
உ.வே.சாமிநாதையர்

1337. பாடலும் படமும் - 74
பாரதியின் புதுமைப் பெண்

1338. கரிச்சான் குஞ்சு - 2
அந்த பயங்கர இரவுகள்
"கரிச்சான் குஞ்சு"

1339. சங்கீத சங்கதிகள் - 196
பாரத தேசம் : பாரதி
அரியக்குடி ராமானுஜய்யங்கார் ஸ்வரப்படுத்தியது

1340. சங்கீத சங்கதிகள் - 197
ஸ்ரீ பூச்சி ஐயங்கார் ஸாஹித்யங்கள் - 4
அரியக்குடி ராமனுஜய்யங்கார் ஸ்வரப்படுத்தியது

1341. சுதந்திர தினம் -3
' கல்கி' சுதந்திர மலர்

1342. மொழியாக்கங்கள் - 1
பந்தயம்
மூலம்: ஆண்டன் செகாவ்  தமிழில்: ஸ்ரீ. சோபனா

1343. சங்கீத சங்கதிகள் - 198
கண்டதும் கேட்டதும் - 9
நீலம்”

1344. ஓவிய உலா - 3
மோகமுள் - 1

1345. எஸ். எஸ். வாசன் - 4
கலை  உலகின் பெரு நஷ்டம்

1346. ஜெகசிற்பியன் - 1
கருவும் உருவும்
ஜெகசிற்பியன்

1347. வி.எஸ்.சீனிவாச சாஸ்திரி - 17
என் வாழ்க்கையின் அம்சங்கள் -13
வி.எஸ்.சீனிவாச சாஸ்திரி

1348. ந.பிச்சமூர்த்தி - 4
இருளும் ஒளியும்
ந.பிச்சமூர்த்தி

1349. ஓவிய உலா - 4
'விகட'னில்  யுத்தம்!

1350. கி.வா.ஜகந்நாதன் - 30
கிழவியும் காதம்
கி.வா.ஜகந்நாதன்

1351. சங்கீத சங்கதிகள் - 199
சினிமாவுக்கு வந்த சங்கீத வித்வான்கள்
அறந்தை நாராயணன்
1352. சத்தியமூர்த்தி – 9
புத்தகங்கள், பந்தய விளையாட்டுகள்
எஸ்.சத்தியமூர்த்தி

1353. சங்கீத சங்கதிகள் – 200
தியாகராஜர் கீர்த்தனைகள் - 15
ஸி.ஆர். ஸ்ரீனிவாசய்யங்கார் ஸ்வரப்படுத்தியது.

1354. பி.எஸ்.ராமையா – 5
மணிக்கொடிக் காலம் 
2.வைகறை
பி.எஸ்.ராமையா

1355. சங்கீத சங்கதிகள் – 201
அருணாசலக் கவியின் பாட்டுக்கள் - 7
அரியக்குடி ராமானுஜய்யங்கார் ஸ்வரப்படுத்தியது

1356. முருகன் – 6
செந்தில் ஆண்டவன்
குருஜி ஏ.எஸ்.ராகவன்

1357. பெரியசாமி தூரன் – 5
காதற்பொய்
பெ. தூரன்

1358. ஓவிய உலா – 5
பார்த்திபன் கனவு - 1  

வீரத்தாய் 
தங்கம்மாள் பாரதி 

கீதாஞ்சலி” 
மூலம்: தாகூர், மொழிபெயர்ப்பு: விபுலானந்தர்

அந்தப்புரக் கலகம் 
மஞ்சேரி எஸ். ஈஸ்வரன்

வித்தியாச விருதுகள் 
ஜே.எஸ்.ராகவன் 

மயக்கம் தெளிந்தது 
சிதம்பர ரகுநாதன்

கடற்கரைப் பெண்
கு.ப.ரா

நினைவுகள்
க.நா.சுப்ரமண்யம்

மோகமுள் -2 

மகாத்மா ஞாபகார்த்த ஸ்தூபி
எஸ்.கே.சுவாமி 

தாமஸ் ஆல்வா எடிசன் 

மனிதருள்  மாணிக்கம்
பெர்ல் பக்

மாந்தருக்குள் தெய்வம் 
கொத்தமங்கலம் சுப்பு

தியாகராஜர் கீர்த்தனைகள் - 16
ஸி.ஆர். ஸ்ரீனிவாசய்யங்கார் ஸ்வரப்படுத்தியது.

தஞ்சை பெரியகோயில் - 1
 'சில்பி'

நமது சங்கீதத்தின் உயிர்நிலை
மா.அனந்தநாராயணன்,

தாகூரை உலகறியச் செய்த ஏட்ஸ்
வி.ஆர்.எம்.செட்டியார் 

சக்தி மோதிரம்
'தேவன்' 

காணக் கண்கோடி வேண்டும் - 1
சின்ன அண்ணாமலை

மெய்விளங்கிய அன்பர்கள் :  சிவதர்மமும் சமதர்மமும்
பி.ஸ்ரீ.

நம் பெண்கள்
வ.வே.சு. ஐயர்

மதுராயி
'தீ'

தானியலக்ஷ்மி

தீபாவளிப் பாட்டு
சுத்தானந்த பாரதி 

"கல்கி" 1943 மலரிலிருந்து 

முதலாழ்வார் ஏற்றிய மொழிவிளக்கு
பாரதி சுராஜ்

சென்னை சங்கீத வித்வத் சபை 
12 -ஆவது 'மேளம்'

கலைமகள் அல்லது கல்வியின் கதா சங்கிரகம்
பி.ஸ்ரீ.

பாரதியார்
டி.எஸ்.சொக்கலிங்கம்

குறள் மலர்

தாயே தெய்வம் 
சோ

கை தட்டல்
ந.சிதம்பர சுப்பிரமணியம் 

என் வாழ்க்கையின் அம்சங்கள் -14
வி.எஸ்.சீனிவாச சாஸ்திரி 

காணக் கண்கோடி வேண்டும் - 2
சின்ன அண்ணாமலை

உண்மை மத பக்தி, ஹிந்து மதம்
எஸ். சத்தியமூர்த்தி 

மூலப் பிரதி

சொல்ல மாட்டாயா  என் நோயை ?

அட பைத்தியமே!
கோமதி ஸ்வாமிநாதன்

நாட்டுக்கெல்லாம் நல்ல சேதி
'சுரபி'

பதிவுகளின் தொகுப்பு : 1201 - 1300

தமிழ்க் கொடி
சுத்தானந்த பாரதி

பண்பாடு
ம.ரா.போ.குருசாமி


 தொடர்புள்ள பதிவு:

பதிவுகளின் தொகுப்பு