இராமாயணம் - 26
யுத்த காண்டம்
எஸ்.ராஜம் வால்மீகி ராமாயண நூலிற்கு வரைந்த பத்து ஓவியங்களில் எட்டாம் ஓவியத்தைப் பார்ப்போம். அதற்குப் பொருத்தமான கம்பனின் பாடலையும் பார்ப்போம். இந்த நூல் ( இரண்டாம் பதிப்பு) கலைமகள் ஆசிரியர் நாராயணசாமி ஐயரால் 1958 -இல் வெளியிடப் பட்டது.
அந்த நூலில் மேலே உள்ள ராஜம் அவர்களின் படத்தின் அடியில் வால்மீகியின் இந்த ஸ்லோகம் காணப் படுகிறது.
अशोकजैः प्रीतिमयैः कपिमालिङ्ग्य सम्भ्रमात् ||
सिषेच भरतः श्रीमान् विपुलैरश्रुबिन्दुभिः |
"Embracing Hanuma with eagerness, the illustrious Bharata bathed him with copious tear-drops born of delight and as such, other than those born of anguish."
கம்பன்
அழும்; நகும்; அனுமனை ஆழிக் கைகளால்
தொழும்; எழும்; துள்ளும், வெங் களி துளக்கலால்;
விழும் அழிந்து; ஏங்கும்; போய் வீங்கும்; வேர்க்கும்; அக்
குழுவொடும் குனிக்கும்; தன் தடக் கை கொட்டுமால்.
அழும் - அழுவான்;
நகும்- சிரிப்பான்;
ஆழிக் கைகளால் அனுமனை தொழும் - மோதிரம் உள்ள கையால் அனுமனைத் தொழுவான்;
எழும் - எழுவான்;
வெங்களி துளக்கலால் துள்ளும் - விரும்பும் மகிழ்ச்சி அவனை அசைப்பதால் துள்ளித் துடிப்பான்;
அழிந்து விழும் - உடனே சோர்ந்து விழுவான்;
ஏங்கும்- இரங்குவான்;
போய் வீங்கும் - மேற்சென்று பூரிப்பான்;
வேர்க்கும் - வியர்ப்பான்;
அக்குழுவொடும் குனிக்கும் - மகிழும் கூட்டத்தாருடனே நடமிடுவான்;
தன தடக்கை கொட்டும் - தனது நீண்ட கைகளைத் தட்டுவான்.
ஆல் - உரையசை.
[ நன்றி : ஓவியம்- லலிதாராம் ]
S Rajam - A Rare Gem Indeed : FB Page devoted to Sr S.Rajam
பி.கு. If you enter your e-mail in the 'Follow by Email' box to be found on the top right-hand side of my blog, the service , follow.it will deliver my blog-updates to your e-mail regularly.
If you are already a Follower of my blog , thanks for reading!
கருத்துகள் இல்லை:
கருத்துரையிடுக